Tengt Siglufirði

Leó Ólason Skrifar í september 2015 BÆJARINS FRÆGASTA SJOPPA

Pistill Leós og innlegg frá Facebook, í myndum hér neðar.

Við sem höfum marga fjöruna sopið og lifað tímana tvenna og jafnvel þrenna, ættum að kannast við bæði sjoppuna og veðurfarið eins og það getur orðið skemmtilegast á heimaslóð.

Í húsinu sem við sjáum þarna á miðri mynd, opnaði Kristmar Ólafsson upphaflega fyrstu sjoppuna sem það hýsti, en síðar komu þarna Höllusjoppu, Lillusjoppu, Gunnusjoppu, Þorrasjoppa, Svennasjoppa... En víst er að það hefur oft verið mun aðgengilegra að þessum „samkomustað“ en þarna má sjá.

Í eina tíð kvað Bjössi nokkur Birgis...

https://youtu.be/sGFoenB9zys

Anna Lára, Bryndís, Bára frænka mín og Lalli Blöndal,
Anna Lára, Bryndís, Bára frænka mín og Lalli.
Ó Lalli, ég ætla að fá mér blað,
ó Lalli ég ætla að lesa það,
ó Lalli ég ætla að fá mér bók,
svo skrepp ég yfir til Höllu og fæ mér eina kók...

Margir halda að þarna sé á ferðinni meiningarlítill slarktexti sem sé fátt annað en sniðugur og skemmtilegur samansetningur, en þeir sem eru komnir til vits og ára eru mun meðvitaðri um að yrkisefnið er mun dýpra en margur heldur. Það var akkúrat þarna á horninu sem Bjössi og fleiri góðir drengir fyrir næstum því hálfri öld gengu gjarnan (ekki þó alltaf beint) yfir götuna frá Aðalbúðinni þeirra Lalla, Óla, Bryndísar og Báru... )

------------------------------------------

Steingrímur 2018: Til fróðleiks: Engin Blöndals systkinana mun hafa heitið Bára. Hér fyrir neðan eru nöfn þeirra í röð eftir aldri:

Sigríður Blöndal, f. 1908, d. 1934
Kristín Blöndal, f. 1910, d. 1931
Guðmundur Blöndal, f. 1911, d. 1986
Lárus Þ.J. Blöndal, f. 1912, d. 2003
Bryndís J Blöndal, f. 1913 d. 2006
Anna Blöndal, f. 1914, d. 1983
Haraldur Hans Blöndal, f. 1917, d. 1964
Halldór Blöndal, f. 1917, d. 1993
Óli J Blöndal, f.1918, d. 2005