Heimildasíða

Tengt Siglufirði

Um Kiwaniskórinn á Siglufirði

   Kiwanisklúbburinn Skjöldur sem var stofnaður 31.  mars 1971 hefur eins og aðrir Kiwanisklúbbar starfað að líknar- og menningarmálum undir kjörorði hreyfingarinnar  „Við byggjum“.

   Söngur hefur lengi verið einn þáttur í innra starfi klúbbsins. Snemma fóru félagarnir að æfa söng fyrir árshátíðir og fyrr en varði bættust eiginkonurnar í hópinn og þannig varð þessi kór til.  Hópurinn sem nú syngur hóf æfingar í janúar 1978 og hefur æft reglulega síðan undir stjórn eins Kiwanisfélaga, Elíasar Þorvaldssonar. 

 Margur hefur undrast að félagar í 50 manna klúbbi og eiginkonur þeirra skuli getað myndað svona kór, enda er ekki til þessi vitað að annar slíkur starfi innan Kiwanishreyfingarinnar í heiminum. 

Þess má geta til gamans, að í kórnum eru sjö hjón, að allir textarnir nema þrír eru eftir Siglfirðinga og enn koma tveir Kiwanisfélagar við sögu þ.e. trommuleikarinn Rafn Erlendsson og Bragi Magnússon sem sá um útlit plötuumslagsins ásamt Sigríði dóttur sinni.

   Eins og gefur að skilja krefst samstarf slíks hóps sem þessa mikils félagsþroska og þolinmæði og þótt það hafi stundum verið erfitt hefur það verið okkur til mikillar ánægju.

Á sama hátt vonum við það þú, hlustandi góður, hafir ánægju af þessu tómstundastarfi okkar.                                                                                           
Pétur Garðarsson.

-----------------------

Félagar Kiwaniskórsins:

Sópran:

     Aðalbjörg Þórðardóttir
     Elín Gestsdóttir
     Erla Ingimarsdóttir
     Vilborg Jónsdóttir

 Alt:

1   Ásdís Kjartansdóttir
     Guðrún E. Friðriksdóttir
     Jósefína Sigurbjörnsdóttir

2   Halldóra Jónsdóttir
     Jakobína Þorgeirsdóttir
     Kristín Þorgeirsdóttir

Tenór:

1   Reynir Árnason
     Sveinn Björnsson
     Þórhallur Daníelsson

2   Árni Th. Árnason
     Ómar Hauksson
     Steinar Jónasson

Bassi:

1   Guðmundur Skarphéðinsson
     Hannes  Baldvinsson
     Jóhann Sv. Jónsson
     Pétur Garðarsson

2   Björn Jónasson
     Daníel Baldursson
     Kristinn Georgsson
     Ólafur Baldursson 

Þessar upplýsingar eru af plötuumslaginu  „SYNGJUM SAMAN“  frá 1979 og fylgiblaði þess.     

Pétur Garðarsson