Albert Sigurðsson | sk2102.com

Tengt Siglufirði

Albert Sigurðsson, Mói

Albert Sigurðsson - Óskar Albert Sigurðsson fæddist á Litlahóli við Dalvík hinn 20. maí 1918.Hann lést á Heilbrigðisstofnun Siglufjarðar hinn 15. desember 2007.

Foreldrar hans voru hjónin:

Sigurður Jón Guðjónsson, sjómaður og formaður í Mói, Dalvík, f. 9. desember 1885, d. 7. janúar 1943, og Anna Sigurðardóttir, húsmóðir, f. 17. október 1883, d. 7. júní 1971.

Albert Sigurðsson var 8. í röð ellefu systkina en hin eru:
Guðjón Sigurvin Sigurðsson, f. 1908, d. 1988,
Rósa Sigurðardóttir, f. 1909, d. 1995,
Kristján Jón Helgi Sigurðsson, f. 1909, d. 1934,
Jóhann Sævaldur Sigurðsson, f. 1912, d. 2001,
Hallgrímur Friðrik Sigurðsson, f. 1913, d. 1967,
Jón Kristinn Sigurðsson, f. 1915, d. 1992,
Sigrún Sigurðardóttir, f. 1916, d. 1996,
Laufey Sigurðardóttir, f 1920, d. 1998,
Sigurður Marinó, f. 1922, og Lilja, f. 1925

Albert Sigurðsson - Ljósmynd: Kristfinnur

Albert kvæntist hinn 29. desember 1945 Guðborg Franklínsdóttir frá Litla-Fjarðarhorni í Strandasýslu, f. 5. maí 1924. Foreldrar hennar voru hjónin Franklín Þórðarson, bóndi í Litla-Fjarðarhorni, f. 1879, d. 1940, og Andrea Jónsdóttir, húsmóðir, f. 1881, d. 1979.

Börn Alberts og Guðborgar eru:

Seinni kona Sigurmars er Álfheiður Ingadóttir, sonur þeirra er

Ingi Kristján, f. 1991.

3) Guðmundur Jón Albertsson, f. 13. október 1951, var kvæntur Þórdís Þórðardóttir, þau skildu, sonur þeirra er

Þórður Albert Guðmundsson, f. 1978.

Fyrir átti Þórdís dæturnar

Ragnhildur Sigurðardóttir, f. 1969 og
Guðrún Helga Magnúsdóttir, f. 1974.

Sonur Guðrúnar og Steinar Þór Þorfinnsson er

Þór Jökull, f. 2007.

Börn þeirra eru

Kári Páll Óskarsson, f. 1981,
Björk Óskarsdóttir, f. 1986,
Ásdís Helga Óskarsdóttir, f. 1991 og
Stefán Andri Óskarsson, f. 2001.

Albert og Guðborg hófu búskap á Siglufirði árið 1945 og bjuggu þar alla tíð, eða í 62 ár. Albert var sjómaður og verkamaður og byrjaði ungur að sækja sjóinn frá Dalvík, Siglufirði og víðar. Á Siglufirði starfaði hann m.a. hjá Síldarverksmiðjum ríkisins og víðar en fór jafnframt á vorvertíð á Suðurnesjum í marga áratugi, einkum í Sandgerði, síðast 1973. Eftir það starfaði hann í nokkur ár hjá Húseiningaverksmiðjunni á Siglufirði en síðast hjá Siglufjarðarkaupstað, m.a. við lagningu hitaveitu í bænum. Albert var duglegur verkmaður, ósérhlífinn og úthaldsgóður og hann vildi helst ekki ganga frá verki fyrr en það var fullklárað og búið var að ganga vel og snyrtilega frá öllu.

Albert hafði yndi af ferðalögum, heima og erlendis, en eftir að hann fór á eftirlaun dvaldi hann á hverju sumri í Flatey á Breiðafirði í sumarhúsi Sigurmars og Álfheiðar. Í Flatey undi hann sér vel við fiskveiðar, við aðgerð og frágang á afla, við að dytta að húsum og bátum og fleira sem til féll en hann átti erfitt með að vera iðjulaus. Hann var alla tíð vel á sig kominn líkamlega; byrjaði snemma að vinna erfiðisvinnu en hann stundaði líka íþróttir á sínum yngri árum, einkum knattspyrnu.